Orgoglio furlàn

Lenghe.net - Il Portâl de Lenghe Furlane Il Portale della Lingua Friulana Notizie dal Friuli:
"FURLANS PAL MONT A CONTIN CHIARA LA BLOGGER CHE E LAVORE IN EGJIT E ERMES IL MESTRI CHE VOLTE CLASSICS IN CANADA
di Anna Bogaro - 19/03/2006
A son tancj e dispès nus scrivin. A son tal forest par intant o par simpri. Us contìn dôs storiis. Une e je chê di Chiara Segrado, che si presente cussì: “Mi clami Chiara, o ai 30 agns e o ven di San Zorz di Noiâr. Mi soi laureade a Gurize (Scienze Internazionali e Diplomatiche) e prime di vignî in Egjit o ai lavorât in Brasil e in Indie cun des organizazions non governativis. Cumò o soi daûr a lavorâ par IFC (International Finance Corporation), une organizazion che e fâs part dal grup Bancje Mondiâl. Tal mê blog mi plâs scrivi sedi lis mês esperiencis ator pal mont ma ancje dâ notiziis e informazions sul Friûl, tiere che pôcs a cognossin. Se o fos bune di scrivi miôr par Furlan (mi scusi ancjemò une volte cun vualtris pa cualitât dal mê scrit) forsi o scrivarès di plui ta mê marilenghe... par cumò o scrîf soredut par talian e inglês”. La direzion dal blog di Chiara, dulà che o cjatais gnovis cetant interessantis sul mont mediorientâl, e je: www.chiaraji.blogspot.com

Graziis a Anna Bogaro par ve corèt il me Furlan e al Furlanist pa segnalaziòn e par il link!!!!